Shoqata qytetare për ngritjen e vetëdijes psiko-sociale “IMAGO PLUS” është organizatë joqeveritare dhe joprofitabile, e cila funksionon në Republikën e Maqedonisë së Veriut, kurse aktivitetet e saj me sukses i kryen në territorin e Shkupit që nga viti 2012.
"IMAGO PLUS" ka misionin e vet, të ndihmojë fëmijët me pengesa në zhvillim dhe fëmijë me probleme të ndryshme për t'u trajtuar për t’u edukuar drejtë dhe në gjuhë amtare, të socializohen në mënyrë që të inkuadrohen më lehtë në shoqëri dhe në jetën shoqërore.
Vizioni ynë është fëmijët me pengesa në zhvillim të kenë edukim të barabartë (drejtë), të jenë të aftësuar dhe socializuar.
Shoqata "IMAGO PLUS" me sukses ka implementuar disa programe edukative për fëmijët me pengesa në zhvillim, duke organizuar orë individuale si dhe në grupe të vecanta.
Me hapjen e qendrës filluam trajtimin me 25-35 fëmijë, mirëpo kërkesat e mëdha sjellë numrin në rritje, momentalisht kemi 86-100 fëmijë që ndjekin trajtim. Ky numër varion shkaku se disa prej tyre arrin të përfundojnë trajtimin dhe në vend të tyre zëvendësohen fëmijë të rrinjë.

Gjithashtu është e rëndësishme të cekim se grupmoshat të cilat rehabilitohen tek ne janë prej 0-14 vjeç.
Ministresha për Punë dhe Politik Sociale, vizitoi qendrën tonë dhe vlerësoi punën e bërë, mori përsipër që ne të shpërngulemi në një hapsirë më të madhe, në qendrën ditore të autizmit për rehabilitim të fëmijëve dhe të rrinjëve, e cila është kompetenc e Ministris për Punë dhe Politik Sociale dhe bën pjesë në Komunën e Butelit, me lokacion në Fushë Topanë, e cila posedon hapsira më të mëdha rreth 500m2, të ndara në dhoma për punë individuale në aspektin psikologjik, dhoma për punë individuale në aspketin logopedik, dhoma e adaptuar për punë grupore, dhoma për integrim senzorik, mjetet e adaptuara për fizioterapi për fëmijët që kanë nevojë për terapi fizikale.
Gjithashtu vlen të ceket se aktivitetet e shoqatës tonë nuk kanë të ndalur, ku tani disponojmë me qendër dhe staf të kualifikuar edhe në Tetovë, në Komunën Vrapcisht dhe së shpejti me lokacion edhe në Komunën e Likovës.